Impakaammo ni House Speaker Martin Romualdez itay Disiembre 18, nga ilunglungalong ti Kamara ti makatawen a pannakaisardeng iti binulan a kontribusion dagiti miembro ti Philippine Health Insurance Corporation (PhilHealth).
Segun ken ni Romualdez, maur-uray ti pannakaimbestigar no kabaelan met laeng ti pinansial a kasasaad ti PhilHealth daytoy a ganuat.
Apaman a tumapog ti 2025, manamnama nga isayangkat ti Kamara ti naan-anay ken di mangidumduma a pannakaimbestigar no kasano a maay-aywanan ti pondo ti PhilHealth.
Kinuna ni Romualdez a no matakuatan a saan unay a maus-usar wenno nalablabes iti kasapulan ti agdama a pondo para kadagiti operasion, maysa kadagiti isingasing ti Kamara ti makatawen a di panagbayad dagiti miembro ti PhilHealth iti monthly premium.
2 a komander ti MILF, nasentensiaan iti 35 counts ti homicide iti Mamasapano massacre
Maisingasingto pay ti pannakaibaba ti binulan a babayadan dagiti miembro ti PhilHealth, ken ti pannakaisaknap ti benepisio agingga nga agbalin nga awan ti bayadan ti miembro iti ospital. (Dester Barro II/Manila Bulletin//Lito Hilidon/Bannnawag)
