Kinemmeg dagiti kameng ti Bureau of Immigration (BI) ti maysa a babai nga Intsik a maatap nga adda pakainaiganna iti naipaserra a POGO (Philippine Offshore Gaming Operator) iti Bamban, Tarlac.
Iti maysa nga operasion nga insayangkat ti BI ken dagiti kameng ti intelihensia ti gobierno itay Disiembre 19, natiliw ti babai nga Intsik iti maysa a hotpot restaurant iti Siudad ti Pasay, ket nabigbig daytoy a ni Pan Meishu, 49, nga am-ammo iti nagan a "Hannah."
Segun ken ni Commissioner ti BI Joel Anthony Viado, maipagarup nga adda pakainaigan ni Pan kadagiti ilegal nga operasion ti Zun Yuan Technology iti Bamban, Tarlac a rinaut idi dagiti autoridad gapu iti maatap a kriminal ken human trafficking nga ar-aramid daytoy.
Kinuna ti BI a ti Zun Yuan, a dati a Hongsheng Gaming Technology Inc., ket addaan pakainaigan iti naimbestigaran a dati a Mayor ti Bamban a ni Alice Guo.
2 a komander ti MILF, nasentensiaan iti 35 counts ti homicide iti Mamasapano massacre
Kinuna ni Viado a dagiti kompania nga agar-aramid iti ilegal nga aktibidad ket awan lugarda iti pagilian. (Jeffrey Damicog/Manila Bulletin//Lito Hilidon/Bannawag)
