Inyam-ammo ti Bangko Sentral ng Pilipinas (BSP) ti First Philippine Polymer (FPP) Banknote Series nga addaan napasayaat a seguridad ken kaamnutna, a mangrugi a maiwaras iti umuna a kuarter ti 2025.
Indauluan a mismo ni Presidente Ferdinand R. Marcos Jr. ti pannakaipakita iti publiko ti FPP Series iti maysa a seremonia a naangay iti President’s Hall iti Malacañan Palace idi Huebes, Dis. 19. Addaan dagiti polymer a papel de banko iti denominasion a PHP500, PhP100, ken PhP50.
Immunan nga inwaragawag ti BSP a maiwaras dagitoy a polymer a papel de banko ken dadduma pay nga agdama a papel a papel de banko. Ti baro a serye, segun iti BSP, ket "smarter, cleaner, and stronger."
"Saan a kas kadagiti agdama a papel a papel de banko, a mangitamtampok kadagiti bannuar ken natural a pagsidsiddaawan iti pagilian, ti polymer series inna itag-ay ti nabaknang a biodibersidad ti Filipinas," kinuna ti BSP iti paskilna iti Facebook.
"Daytoy a panagbalbaliw ket mangiganetget iti akmen ti BSP a mangitandudo iti nasional a panangipannakkel babaen ti numismatic artistry ken manggubuay iti panangapresiar iti identidad ti Filipino,” innayon ti BSP.
Resolusion mainaig iti isusuko ni Sen. Dela Rosa iti ICC, naipila iti Senado
Segun pay iti BSP, addan dagiti polymer a papel de banko iti napasayaat a wagas iti pananglapped iti panagpeke ken napalagda pay tapno agpaut dagitoy. (MANILA BULLETIN)
