Impalubos ni Presidente Marcos ti pannakaited ti gratuity pay kadagiti contract of service ken job order workers iti gobierno para iti tawen 2024.
Babaen ti Administrative Order No. 28, amin a contract of service ken job order worker a nakaipaayen iti di nakurkurang ngem uppat a bulan a makapnek a panagserbi agingga idi Disiembre 15, 2024, ken epektibo pay laeng ti kontratada iti isu met laeng a petsa, ket mabalin a maikkan ti one-time gratuity pay a saan a lumbes iti P7,000.
Mabalin met a maikkan iti one-time gratuity pay dagiti nakurang nga uppat a bulan ti panagpaayda ngem babaen ti pro rata.
Nupay dagiti laeng trabahador a nagtrabaho on-site ti sakupen ti gratuity pay, mabalin met a mairaman dagiti trabahador a nagtrabaho iti alternatibo a wagas ngem agbatay daytoy iti pangngeddeng ti maseknan nga ahensia ken ti kaadda ti pondo.
2 a komander ti MILF, nasentensiaan iti 35 counts ti homicide iti Mamasapano massacre
Sakupen ti pammilin a napetsaan idi Disiembre 19 dagiti trabahador a direkta nga agpapaay kadagiti ahensia ti gobierno nasional (NGAs), unibersidad ken kolehio ti estado (SUCs), kukua wenno kontrolado ti gobierno a korporasion (GOCC) ken local water district.
Sagudayen pay ti pammilin, mangrugi iti Disiembre 15 ti panagbayad iti gratuity pay kadagiti kualipikado a trabahador.
Immunan a pinalubosan ni Marcos ti pannakaited ti service recognition incentive (SRI) kadagiti amin nga empleado ti gobierno iti dagup a P20,000 ti tunggal maysa.
(Betheena Unite/Manila Bulletin)
