Iti panangrambak ti Metro Manila Film Festival (MMFF) iti maika-50 a tawenna ita a tawen, makipagrambak met dagiti artist ti Sparkle, ti talent agency a kukua ken imatonan ti GMA Network, ta nakairamananda iti tallo a pelikula iti sangapulo a pelikula a nairaman iti festival.
Adu ti agkuna a napintas unay ti panangakemda da Ruru Madrid ken Sofia Pablo nga agparang iti Green Bones.
Ti kinalaing ni Aicelle Santos a kumanta, inikkanna iti naidumduma a biag ti akema iti Himala, ti musical adaptation ti iconic a klasiko a pelikula a Filipino a nagbidaan idi ni Nora Aunor.
Limtaw met ti kina-versatile ni Kokoy De Santos iti Topakk ken iti And The Breadwinner Is. Banag a nangpasingked iti kunada a maysa ni Kokoy kadagiti rising star iti Filipino cinema.
