Ad-adalen a naimbag da Presidente Ferdinand Marcos Jr. (PBBM) ken dagiti kameng ti gabinetena ti 2025 General Appropriations Act (GAA) tapno masigurado a maitunos daytoy iti Konstitusion, segun iti Malakanyang ita nga aldaw, Disiembre 26.
Kinuna ni Executive Secretary Lucas Bersamin a tingtingitingen a naimbag ni PBBM ken dagiti kameng ti Gabinete dagiti nadumaduma a banag iti 2025 GAA tapno maitunos daytoy iti Konstitusion, ken maipangruna iti badiet dagiti kangrunaan a programa ti administrasion.
Daytoy ti kinuna ni Bersamin kas sungbat kadagiti manggutgutigot nga ikkatenna dagiti paset ti PhP6.352 a trilion a 2025 GAA a di maitunos iti Konstitusion sakbay a pirmaan ni PBBM daytoy.
Impasigurado ni Bersamin a naannad ni PBBM a nangiprograma ken nanggasto iti nailian badiet.
Kukua ti TVJ ti trademark nga “Eat Bulaga!”—Court of Appeals
Naikeddeng nga agbalin a paglintegan ti 2025 GAA inton Disiembre 30, kalpasan a mapirmaan daytoy ni PBBM. (Betheena Unite/Manila Bulletin//Lito Hilidon/Bannawag)
