Indagadag ti Armed Forces of the Philippines (AFP) kadagiti kameng ti Communist Party of the Philippines (CPP) nga isukodan dagiti igamda, agsublidan iti kangrunaan kagimongan, ken tumulongda iti panagdur-as ti ili, imbes ketdi a tarigagayanda a rippuogen ti gobierno, bayat ti panangrambak ti rebolusionario a grupo iti maika-56 a taweb ti pannakabangonda itay Huebes, Disiembre 26.
Kinuna ni daulo ti AFP Gen. Romeo Brawner Jr. a sititibker latta ti militar iti panangipatungpalda iti misionda a manggibus iti lima a dekadan a parikut ti pagilian a panagrebelde, ket ibilangda ti CPP ken ti armado a grupona a New People’s Army (NPA) a "saan a napateg iti masakbayan ti pagilian."
Segun iti datos ti AFP, adda 1,000 a mannakigubat a kameng ti CPP-NPA iti pagilian idi Disiembre 2024, ngem dakkel a pannakakissay daytoy manipud iti 25,000 a bialngda idi 1980s.
Innayon ni Brawner a makitinnulongda iti dadduma nga ahensia ti gobierno a mangsuportar kadagiti sumuko babaen ti nadumaduma a reintegration program ti gobierno. (Martin Sadongdong/Manila Bulletin//Lito Hilidon/Bannawag)
