Linuktan ti embahada ti Japan iti Filipinas ti aplikasion para kadagiti kategoria ti Japanese Studies ken Teacher Training ti 2025 Japanese Government (Monbukagakusho) scholarship.
Babaen ti embahada ti Japan iti Manila, inwaragawag ti gobierno ti Japan itoy nga aldaw, Biernes, Disiembre 27 ti pannakalukat dagiti programa ti scholarship—nga adda iti babaen ti Japan Information and Culture Center (JICC) ti embahada.
Masapul a Filipino citizen dagiti aplikante para iti agpada a programa.
Para iti Japanese Studies, masapul nga awan pay 30 ti tawen dagiti aplikante agingga inton Abril 2, 2025 ken nakaenrol iti undergraduate level ken addaan iti major iti tay-ak a mainaig iti pagsasao ken/wenno kultura ti Japan. Masapul met a nag-majorda iti dayta a tay-ak iti di nakurkurang ngem maysa a tawen manipud Septiembre 1, 2025.
Nangabak iti 2024 Metro Manila Film Festival, napadayawan
Para iti Teacher Training, masapul nga awan pay 35 ti tawen dagiti aplikante agingga inton Abril 2, 2025 ken addaan iti di nakurkurang ngem lima a tawen a padas iti panagisuro iti elementaria wenno sekundaria agingga iti Oktubre 1, 2025. Masapul met nga agdama nga agtrabtrabahoda kas mannursuro iti elementaria wenno sekundaria.
Mabalin a kitaen ken i-download dagiti porma ti aplikasion ken dadduma pay nga impormasion manipud iti website ti embahada.
Ipalpalagip ti embahada kadagiti interesado nga aplikante nga inton Pebrero 14, 2025 (Biernes) ti deadline ti panagipatulod kadagiti aplikasion. Dagiti laeng pisikal a dokumento a maikoreo wenno maipan a mismo iti embahada ti maawat.
(Betheena Unite/Manila Bulletin)
