CAMP PRESIDENT QUIRINO, Ilocos Sur— Maysa a kameng ti Bureau of Fire Protection ti pinaltogan dagiti di pay nabigbig a mammapatay iti sango ti balayna iti Barangay Pantay Daya iti Vigan City idi Domingo, Disiembre 29.
Binigbig dagiti polis ti biktima a ni Senior Fire Officer 1 Anthony T. Manuel, 40, a nakadestino iti BFP-Vigan.
Naammuan iti imbestigasion a nakamotorsiklo ti biktima ken rumrummuar iti solar ti balayna tapno mapan agtrabaho idi mapaltogan iti agarup alas dies iti rabii.
Naitaray iti ospital ti biktima ket ditoy a naideklarar a natayen gapu iti adu a sugat a gapuanan ti bala.
Puor iti kabambantayan ti Carasi, 'under control,' kuna ti BFP-Ilocos Norte
Nakaala dagiti polis iti uppat a kapsula ken maysa a buli ti bala iti nakapasamakan ti krimen.
Madama ti follow-up investigation.
(Freddie Lazaro/Manila Bulletin)
