BACOLOD CITY – Maysa nga agtawen iti 56 a lalaki ti maatap a pinugotan ti kaanakanna a lalaki gapu iti riri iti daga iti Barangay Caliling, Cauayan, Negros Occidental idi rabii ti Sabado, Disiembre 28.
Innaganan ni Police Lt. Loreto Santillan, operations officer ti Cauayan Municipal Police Station, ti biktima a kas Romie Dahil-Dahil.
Kinuna ni Santillan a nabagkong manipud iti likudanna ni Dahil-Dahil iti maysa a sari-sari store babaen ti maysa a buneng. Idi naklep ti biktima iti daga, impungsay ti suspek ti ulo ti biktima sa indissona ti ulo daytoy iti asideg dagiti gurongna sakbay a naglibas a pimmanaw.
Nakemmeg ti suspek iti naglemmenganna nga imbornal iti Barangay Caliling. Naala met kenkuana ti pinangpapatayna iti ulitegna.
36 a pamilia, nauraman iti baro a tawen
Sakbayna, iti Dis. 27, nagsango ti biktima ken ti suspek iti barangay tapno pagsaritaanda ti ririda. Ngem saan a naurnos daytoy a nakaigapu iti panagpungtot ti suspek.
Maipila ti darum a murder (naplano a panangpapatay) kontra iti suspek. (Glazyl Masculino/ Manila Bulletin)
