Kalkalpas ti Season 2 ti nalatak a serye a pabuya a Koreano nga "Squid Game" iti Netflix ngem mapadpadaananen ti Season 3 daytoy a naiwaragawag a mabuya itoy a tawen.
Impakitan itay nabiit ti Netflix ti opisial a poster ti "Squid Game 3." Makita ditoy ni Young-hee, ti nakaam-amak a higante a babai a doll iti game a “Red Light, Green Light.” Ngem adda kadua ni Young-hee a maysa met laeng a doll ket itoy a gundaway, maysa a lalaki a doll.
“YOUNG-HEE & CHUL-SU. Squid Game 3. Coming 2025.," kuna ti caption a paskil iti Facebook Page ti Netflix ket Chul-su ngarud ti nagan ti lalaki a doll ket mabalin nga ag-partner-da ken ni Young-hee a mangsuot wenno mangbutbuteng kadagiti partisipante iti games ti "Squid Game 3."
Kinuna ni Hwang Dong Hyuk, ti executive producer, writer, ken direktor ti serye: "I am thrilled to see the seed that was planted in creating a new 'Squid Game’ grow and bear fruit through the end of this story."
Populasion ti lubong, aganayen a 8.09-bilion itoy nga Enero 1
Naipabuya ti Season 1 ti "Squid Game" idi 2021. Nabayag met a napadpadaanan ti Season 2 daytoy a narugian a maipabuya idi Disiembre 26, 2024. (RVA/Bannawag)
