Nagpatinggan ti romantiko a relasion dagiti Kapuso stars a da Barbie Forteza ken Jak Roberto kalpasan ti pito a tawen.
Inwaragawag ni Barbie ti opisial a pakaammo (ti panagsinada) iti Instagram, babaen ti paskilna a napauluan iti “’Dika agsangit gapu ta nalpasen. Umisemka ketdi gapu ta napasamak.’ -- Dr. Seuss" idi Enero 2.
Ti pakabuklan ti paskil ni Barbie:
"Ti kaaddam iti biagko ti kararagsakan a padasko. Pito a naisangsangayan a tawen. Adu a katkatawa, adu a ramen ken kasta unay nga ayat.
Pakaisukatan ti Doliar iti Pisos iti Enero 6, 2025
"Naidumduma ti ayatmo.
"Ngem no dadduma, aglumen dagiti nasayaat a bambanag tapno dumteng dagiti nasaysayaat pay a bambanag.
"Beautiful goodbye, @jakroberto.
"Agyamanak iti panagayatmo kaniak a kas iti inaramidmo. Magagaranak iti no ania ti dumteng kadata nga agpadpada. Agan-annadka koma. Sapay koma ta masarakam ti ayat a maikari kenka.
"Namnamaek ti pannakaawat ti amin ken idawatko a matulongandakami a mangigibusen iti amin," insurat ni Barbie iti social media. (Robert Requintina/MB)
