Dua a lallaki ti natay idinto a nasugatan ti maysa pay a kadua iti pannakatinnag ti mini-Elf truck nga uggorda iti ag-80 a metro ti kaunegna a derraas iti Kennon Road iti Tuba, Benguet iti daytoy a Biernes, Enero. 3.

Binigbig ti polisia dagiti natay a kas Michael Gayob Mader-an, 46, drayber, ken James Liwan Wagne, 31, residente ti Tuba. Saan a nainaganan ti nasugatan, maysa nga agtawen iti 49 a tubo met laeng ti Tuba.

Maibatay iti imbestigasion, nadadaelan ti lugan iti maysa a pagsikkuan ti kalsada ket saan a nakontrol ni Mader-an daytoy a nakaigapu iti pannakatnag ti lugan iti derraas.

Agturong dagiti biktima iti maysa a quarry site idi mapasamak ti aksidente.

Lokal

Mangngabel ken dumadait ti Ilocos Norte, pinadayawanda ti bandera ti Filipinas bayat ti Palarong Pambansa

Intaray ida dagiti first responder iti Baguio General Hospital and Medical Center a nakaideklararan ti saan a pannakalasat da Mader-an ken Wagne iti aksidente. Natalged metten ti kasasaad ti nasugatan a kaduada.

Itultuloy pay laeng ti polisia a palpalutpoten ti pudno a kagagapu ti aksidente. (JJ Landingin/ Manila Bulletin)