Indeklarar ni Presidente Ferdinand R. Marcos Jr. ti Enero 9 kas special non-working day iti Manila a pangrambak iti Piesta ti Nangisit a Nazareno, segun iti pakaammo ti Presidential Communications Office (PCO) a naipaskil iti Facebook idi malem ti Biernes, Enero 3.
Pinirmaan met ni Executive Secretary Lucas Bersamin ti Proclamation No. 766 idi Dis. 3 a nangideklarar iti piesta tapno mapalubosan dagiti deboto a makipaset iti tinawen a Traslacion, masigurado ti naurnos a prosesion, ken mataming ti ayus ti trapiko.
Ti Piesta ti Nangisit a Nazareno, a pagaammo pay kas Traslacion, ket maysa kadagiti kapatgan a narelihiosuan a selebrasion iti Filipinas, a tinawen a maangay iti Enero 9 iti Siudad ti Manila.
Segun iti Simbaan ti Quiapo, nasurok 6.1 a milion a deboto ti tnakipartisipar iti Traslacion itay napan a tawen, a maysa kadagiti kangatuan a bilang dagiti nakipaset kalpasan ti tallo a tawen a panagsardengna gapu iti pandemia a COVID-19. (Argyll Ciro Geducos/MB)
