VATICAN CITY (AP) —Imballaag ni Pope Francis a ti bullying kadagiti eskuela isaganana dagiti estudiante para iti gubat a saan ketdi nga iti kappia.

Imbaallag ti Santo Papa daytoy iti maysa a panagsaritana iti sango dagiti asosiasion dagiti mannursuro, estudiante, ken nagannak a Katoliko a natipontipon iti Batikano itay Sabado.  

Iti panagsaritana iti sango ti agarup 2,000 nga Italiano a mannursuro, estudiante, ken nagannak, impaganetget ti Santo Papa ti panangkontrana iti bullying, ken kiniddawna kadagiti nakitaripnong ti panangikarida a kontraenda ti bullying saan laeng nga iti eskuela no di pay ket iti pagtaengan.  

Dinayaw ti Santo Papa ti ar-aramiden dagiti eskuela a mangitantandudo iti kappia idinto a kinunana a ti “panangarapaap iti kappia” isu ti pundasion para iti “ad-adda pay a patas ken nainkabsatan a lubong” babaen "dagiti amin nga asignatura a maisuro ken babaen ti kinamanagparnuay dagiti ubbing ken agtutubo."

Internasional

Prime Minister ti Canada, inwaragawagna ti panaglusulosna

Ni Pope Francis iti panagsaritana iti sanguanan dagiti asosiasion dagiti mannursuro, estudiante, ken nagannak iti Paul VI Hall, iti Batikano, Sabado, Enero 4, 2025. (AP Photo/Alessandra Tarantino)

“Ngem no kadagiti eskuela, adda panagririri wenno pannakaipalubos ti bullying, agsagsaganakayo a para iti gubat, saan a para iti kappia,” kinunana.

Kiniddaw pay ti Santo Papa ti pannakapaadda ti ad-adu pay a panagsasarita iti baet dagiti kameng dagiti kaamaan, ta “ti panagsasarita, pasantakennatayo.”  (Associated Press/ Manila Bulletin)