Makasangsangit ni Rufa Mae Quinto a simmango iti media kalpasan a nakapagpiansa idi Huebes, Enero 9.
Pinalabas ti aktres ti rabii ti Enero 8 iti headquarters ti National Bureau of Investigation (NBI) kalpasan a nagdisnudo a simmuko iti nasao nga ahensia apaman a dimteng manipud iti Amerika.
Maibasar iti report, nagbayad ni Rufa Mae iti 1.7 milion a pisos para iti temporario a wayawayana.
Naidarum ni Rufa Mae iti 14 a kaso ti panaglabsing iti Section 8 ti Securities Regulation Code mainaig iti pannakairamanna iti skin care company a Dermacare.
LTO, inkarina nga addanton plaka dagiti amin a traysikel agingga iti Abril 30
“Makapanerbios dagiti mapaspasamak kaniak ita, makapaliday… ngem mamatiak a ti kinapudno ti agturay,” kinuna ni Rufa Mae.
Idi mapagsaludsodan no apay nga agsangsangit, kinunana: “Makasangitak ta nagganas ti agbiag a nawaya. Ti kasasayaatan a banag iti biag ket ti agbalin a nawaya ken maaddaan iti kaimudingan, saan kadi?”
(Neil Ramos/Manila Bulletin)
