Agarup 1,500 a checkpoint iti entero a pagilian ti inwayat ti Philippine National Police (PNP) iti umuna nga aldaw ti nainget a seguridad a maipakat iti panangrugi iti panawen ti eleksion (Election Period) inton Mayo 12.
Segun ken ni Gen. Rommel Francisco Marbil, hepe ti PNP, dakkel ti maitulong dagiti checkpoint iti pananglapped iti panaggaraw dagiti kriminal nga agpanggep a mangsabotahe iti natalna a pannakaaramid ti eleksion, agraman dagiti di nairehistro a paltog.
Iti agdama, uppaten a tao ti naarestar gapu iti panaglabsing iti nailian a pannakaiparit iti panagimet iti paltog a nangrugi itay Enero 12 - a naggapu iti Bangsamoro Autonomous Region in Muslim Mindanao (BARMM), Central Mindanao, Central Luzon ken Western Visayas.
Kiniddaw ni Marbil ti kooperasion ti publiko kadagiti agbambantay kadagiti checkpoint, ket kinunana a maaramid ti checkpoint kas mayannurot kadagiti paglintegan, a mangsigurado a maraem ti kinapribado ken kalinteganda.
PNP, mangbukel iti puersa a mangkemmeg kadagiti polis a nairaman iti panangabbong iti nasamsam a droga idi 2022
Kinuna ni Brig. Gen. Anthony A. Aberin, hepe ti National Capital Region Police Office (NCRPO), a dagiti checkpoint a maiwayat iti Kamanilaan ti mangipatungpal iti paglintegan iti eleksion, partikular iti pannakaiparit iti panagimet iti paltog ken dadduma pay a pamuspusan iti seguridad. (Aaron Recuenco/Manila Bulletin//Lito Hilidon/Bannawag)
