Nalpasen panagimbestigar ti National Bureau of Investigation (NBI) iti pangta ni Bise Presidente (BP) Sara Duterte a papatayenna da Presidente Marcos, First Lady Liza Araneta Marcos, ken House Speaker Martin Romualdez.
Daytoy ti impakaammo ni Prosecutor General Richard Anthony D. Fadullon iti maysa a press conference iti Malakanyang, ket kinunana a masapul nga adalenda pay daytoy.
Inimbestigar ti NBI ni BP Duterte gapu iti posible a "grave threat" maibatay iti Art. 282 ti Revised Penal Code (RPC) ken panaglabsing iti Section. 6 ti Republic Act (RA) 10175 wenno ti Anti-Terrorism Act of 2020.
Timmaud daytoy iti maysa a press conference nga inwayat ni Duterte idi Nobiembre ket kinunana nga addan nabilinna a tao a mangpapatay iti Presidente, First Lady, ken House Speaker, no bilang isu ti matay.
PNP, mangbukel iti puersa a mangkemmeg kadagiti polis a nairaman iti panangabbong iti nasamsam a droga idi 2022
Kinuna ni Fadullon a saanda pay nga iggem dagiti detalye ti panagimbestigar ti NBI, ket mangibaonda iti prosecutor tapno adalenda dagiti ebidensia nga iggem ti NBI. Mairaman iti detalye ti impormasion no natakuatan dagiti imbestigador no asino ti kinontak ni Duterte a mangpapatay kadagiti nadakamat a tao. (Jeffrey Damicog/Manila Bulletin//Lito Hilidon/Bannawag)
