Impakaammo ti Department of Foreign Affairs (DFA) ita a Huebes, Enero 16, a mayawiden ti bangkay ni Marvil Facturan Kocjančič, ti Filipina a mapapati a pinapatay ti asawana nga Slovenian. Kadua ti DFA ti Philippine Embassy idiay Vienna, Austria a mangtrabtrabaho iti nadaras a pannakayawid ti bangkay iti Filipinas.
Maysa a marriage migrant, naam-ammo ni Facturan ti asawana, ni Mitja Kocjančič, idi Pebrero 2024 ken nagkasarda idi simmarungkar ni Kocjančič iti Filipinas idi Hulio.
Nagbiahe ni Facturan idiay Slovenia idi Disiembre 22 tapno agdennadan iti asawana. Ngem idi Disiembre 29, makalawas kalpasan a mapasaranna ti baro a panagbiagna iti pagilian iti central a Europa, nakaawat ti inana iti awag manipud iti Austrian Embassy a nangipakaammo a natayen ti balasangna.
Segun kadagiti report, a nagbakasion ni Facturan ken ti asawana iti Bled, Slovenia ket sadiay a napasamak ti pammapatay.
Pannakaideklarar ti food security emergency, maudi a pamuspusan iti panangpalaka iti presio ti bagas
Kinuna ni DFA Undersecretary Eduardo de Vega idi Martes, Enero 14, a ti laeng naawatda nga impormasion ket nagriri dagiti agassawa ken natay ti Filipina gapu kadagiti sugatna a gapuanan ti pannakabagbagkong. (Raymund Antonio/MB)
