Agdagup iti 34 a lugar iti entero a pagilian ti maibilang a kas election hotspot iti Election 2025, segun ken ni Sekretario ti Department of the Interior and Local Government (DILG) Juanito ‘Jonvic’ Remulla ita nga aldaw, Enero 16.
Kinuna ni Remulla a 27 kadagiti 34 napeggad a lugar ti adda iti Bangsamoro Autonomous Region in Muslim Mindanao (BARMM) gapu iti nakaro a panagsusupiat iti umuna nga autonomous election iti nasao a rehion.
Nairaman iti election hotspot ti dua a lugar iti Eastern Visayas, ken uppat iti Luzon.
Kas paset ti panangbantay iti seguridad para iti Mayo 12 a panagbobotos, adda 6,327 a checkpoint ti naipasdek iti entero a pagilian a nakatiliwanda iti 86 a paltog a sinamsamda sipud nangrugi ti gun ban idi enero 12.
Kinuna ni Remulla a 33 kadagiti 86 a paltog ti nasamsam kadagiti nadumaduma a checkpoint, 10 ti nasamsam iti buy-bust operation, ken tallo ti kinompiskarda bayat ti panangipatungpalda iti arrest warrant.
TRO kontra iti proseso ti Kamara iti impeachment ni VP Duterte, kiniddaw dagiti abogado
Impasigurado ni Remulla iti publiko a mangibaon pay iti kanayonan a puersa kadagiti lugar a naideklarar a napeggad tapno masalakniban ti kinatalged ken kinatarnaw ti 2025 midterm election. (Chito Chavez/Manila Bulletin//Lito Hilidon/Bannawag)
