Nupay sititibker ti pagtaktakderan ni Presidente Ferdinand Marcos Jr. a dina anamongan ti maipila nga impeachment complaint a maibusor ken ni Bise Presidente (BP) Sara Duterte, anamonganna met ti kapanunotan ti chief legal counsel-na a ni Juan Ponce Enrile a mabalin nga adda saan a nasayaat a pagtuladan no suroten ti lohika ti peace rally nga insayangkat ti Iglesia Ni Cristo (INC).
Kinuna ni Presidente Marcos a "narikut unay daytoy," ta anamonganna ti kinuna ni Enrile a mabalin nga agsagabanto ti pagilian iti agpaut a resulta ti panangilaksid iti linteg, agraman ti legal a proseso a panangikkat iti maysa nga opisial ti gobierno no adda pammaneknek iti daytoy.
Kinuna ni Marcos a maysa ni JPE (Juan Ponce Enrile) kadagiti kalaingan no maipapan iti paglintegan iti pagilian, ket agpayso ti imbagana.
Ngem kinuna ni Marcos nga uray adda mandar ti Kongreso nga aramiden daytoy, awan maaramidan ti Kamara ken Senado no maipilan dagiti impeachment complaint, ngem saan pay a daytoy ti panawen a maaramid dayta.
Vic Sotto, Darryl Yap nagsango iti Korte
Kinuna ni Marcos a saan a naintiempuan ti pannakaidatag ti impeachment ta asidegen ti panagkakampania, ket saanen a makabukel iti korum ti Kongreso. (Betheena Unite/Manila Bulletin//Lito Hilidon/Bannawag)
