Patien ni Diputado ti Kabayan Party-list Ron Salo a naan-anay a maitandudo ti transparensia iti lokal a gobierno babaen ti pannakai-livestream dagiti sesion ti Sangguniang Bayan.
Gapu iti daytoy, impila ni salo ti House Bill (HB) No.11294 a napauluan iti "An Act Mandating the Livestreaming of Sangguniang Bayan Sessions, Amending for the Purpose Sections 50 and 52, Chapter III of Republic Act No. 7160, Otherwise Known as the 'Local Government Code of 1991".
Mamati ni Salo nga ipaay ti digital a teknolohia ti gundaway a mangpasayaat iti pannakaammo ti publiko kadagiti proseso ti gobierno ken mangpapigsa iti pannakipaset dagiti umili.
Kinuna ni Salo a masapul a mapabaro ti Local Government Code of 1991 tapno mairaman ti panagusar iti online streaming platform tapno maimatangan ti publiko no kasano a maaramid ti lokal a lehislasion.
Pannakaideklarar ti food security emergency, maudi a pamuspusan iti panangpalaka iti presio ti bagas
Segun ken ni Salo, kastoy ti maar-aramiden kadagiti sesion ti Kamara ken Senado tapno maipakita iti publiko no kasano a mabukelda dagiti paglintegan ken proseso ti panagdesisionda.
Dinakamat pay ni Salo ti Laoag City Council iti Ilocos Norte a mai-livestream-en ti sesionda sipud idi Hulio 2022. (Ellson Quismorio/Manila Bulletin//Lito Hilidon/Bannawag)
