Nakurang a maysa a kilometro laengen ti saan pay a nalpas a paset ti lima a kilometro a by-pass road project iti Bambang, Nueva Vizcaya.
Segun ken ni Elmer Escobar, project engineer ti Department of Public Works and Highways (DPWH), kangrunaan a matrabtrabaho ti elevation design ti nangato a paset ti by-pass road. Kinunana a madama ti excavation works iti paset ti kalsada a dumalan iti bakras ti bantay tapno saanto a nangato unay daytoy a sang-aten dagiti motorista.
Kinuna met ni Escobar a maitantantan ti pannakaleppas ti by-pass road gapu iti panagbaliwbaliw wenno epekto ti panawen tapno maituloy ti contractor ti proyekto ti excavation works sakbay a marugian ti concreting phase daytoy.
Tagiuray dagiti motorista ti pannakaleppas ti by-pass road tapno maliklikanda ti nakaro a trapiko iti poblacion ti Bambang.
Pickup, natnag iti rangkis idiay Benguet, 3 ti natay
Mangnamnama ni Escobar a malpas iti kabiitan a panawen itoy a tawen ti earth moving/excavation works tapno marugianen ti road concreting ti nasao a kalsada a nailatangan ita a tawen iti pondo a PhP897.85-milion.
Segun iti report ti DPWH, bumaba iti 45 agingga iti 60 a minuto ti travel time ti mapan a 10,000 a biahero iti kada aldaw apaman a malpas ti sibubukel a by-pass road. (Ben Moses Ebrero/PIA Nueva Vizcaya)
