LA TRINIDAD, Benguet – Pitopulo ket maysa a wanted a tattao ti nakemmeg ti Philippine National Police (PNP) iti Cordillera Administrative Region (CAR) manipud Enero 12 agingga iti 19 itoy a tawen.
Nakemmeg ti Baguio City Police Office ti 24 a tattao, sinaruno ti Benguet Police Provincial Office a nakakemmeg iti 20; Ifugao PPO, 7; Kalinga PPO, 7; Apayao PPO, 6; Mountain Province PPO, 5; ken Abra PPO, 2.
Sangapulo ket pito kadagiti nakemmeg ti most wanted persons idinto pito iti regional level, pito iti provincial level, ken tallo iti municipal level.
Limapulo ket tallo a munisipio iti CAR ken lima nga estasion ti polisia iti Siudad ti Baguio ti awanan nairekord nga insidente ti krimen iti las-ud ti makalawas a mapapati a maigapu iti yaadu ti presensia dagiti polis.
Puor iti kabambantayan ti Carasi, 'under control,' kuna ti BFP-Ilocos Norte
Awan ti nai-report a krimen iti 21 a munisipio iti Abra, 10 iti Mountain Province, siam iti Ifugao, pito iti Benguet, uppat iti Apayao, ken dua iti Kalinga. Iti Siudad ti Baguio, awan ti krimen a nai-report iti Police Stations 1, 2, 4, 6, ken 8. (Zaldy Comanda/MB)
