Imparangarang ni House Assistant Majority Leader Diputado Zia Alonto Adiong (Lanao del Sur 1st district) ti maipagarup nga aramid ti dadduma nga ospital a paaduenda ti bayadan ti pasiente no ibaga daytoy PhilHealth-na.
Nakipaset ni Adiong iti bista ti Committee on Good Government mainaig kadagiti parikut a sangsanguen ti Philippine Health Insurance Corporation (PhilHealth) itay Enero 22.
Segun ken ni Adiong, naammuanna kadagiti kailianna a no agbayadda iti ospital, nababa ti bayadanda no ibagada nga awan ti PhilHealth-da. Ngem idi ibagadan nga adda PhilHealth-da, ngumaton ti bayadanda.
Kinuna ti Executive Vice President ken Chief Operating Officer ti PHilHealth a ni Dino Santos nga adda sumagmamano a naawatda a report maipapan iti nadakamat ni Adiong uray idi sakbay a naipaulog ti Universal Health Care (UHC), ta masapul a nakabayad ti miembro ti kontribusionna iti PHilHealth sakbay a makaala iti benepisio.
Innayon ni Santos nga awan ti naidanon kadakuada a kasta a kaso iti agdama ta maibilangen amin a Filipino a miembro ti PhilHealth gapu iti UHC.
ICC Prosecution, rugianda ti pannakabista iti kaso ni dati a presidente Duterte inton Nobiembre 30
Ngem kinuna ni Adiong a kadagitoy laeng a napasamak ti report a dimmanon kenkuana, isu nga indagadagna iti PHilHealth a masapul a tamingenda daytoy a parikut. (Ellson Quismorio/Manila Bulletin//Lito Hilidon/Bannawag)
