Ilunglungalong ti Department of Education (DepEd) ti pannakabaliw ti annuroten kontra iti bullying (anti-bullying) ken pannakataming ti kinakurang dagiti guidance counselor iti pagadalan, segun ken ni Sekretario ti DepEd Sonny Angara.
Segun iti DepEd, asidegen ti panangrebisarda ti Implementing Rules and Regulations (IRR) ti Anti-Bullying Law.
Kinuna ni Angara itay Enero 24 a kasapulan a mapabaro ti nasurok a 10 a tawenen nga IRR.
Segun iti ahensia, maipanamnama a ti nabaliwan nga IRR, amin a pagadalan ket addaan iti wagas a mangtaming iti bullying.
Nora Aunor, 71, pimmusay
Innayon ni Angara a maysa pay a parikut ti kinakurang dagiti guidance counselor kadagiti pagadalan a mangtaming kadagiti kaso ti bullying.
Kinuna ni Angara a ti kaaduan ti kaso ti bullying ket agramut iti parikut iti pamilia, ket agsaknap iti pagadalan.
Inlawlawag ni Angara nga iti agdama a licensure act, masapul nga adda master's degree ti maysa a guidance counselor, ket daytoy ti gapuna nga adda 4,400 a bakante para iti guidance counselor iti DepEd.
Kinuna ni Angara nga inrugin ti DepEd ti panangsanay kadagiti kadagiti prinsipal ken mannursuro iti pagadalan mainaig iti counseling. (Jel Santos/Manila Bulletin//Lito Hilidon/Bannawag)
