Naulimek latta ti Malakanyang maipapan iti petision iti Korte Suprema (SC) nga indatag da dati nga executive secretary Vic Rodriguez ken Diputado Isidro Ungab (Davao City 3rd District) maibusor iti 2025 General Appropriations Act (GAA).
Kinuna ni Executive Secretary Lucas Bersamin ita nga aldaw, Enero 28, a nasapa pay tapno agkomento mainaig iti nasao a petision, ta saanda pay a nakita ti linaon daytoy.
Impila pay da Ungab ken Rodriguez ti petition for certiorari ken ti pannakaibasura ti 2025 national budget, iti SC.
Iti kallabes, dinillaw ni dati a presidente Rodrigo Duterte ken Ungab ti kunkunada a "blangko" iti national budget a pinirmaan ni Presidente Marcos idi Dis. 30, 2024, ket kinuna ni Duterte nga adda la ketdi biddut iti national budget no adda blangko daytoy.
Panggep ti gobierno nga ideklarar ti food security emergency itoy a lawas, kuna ti DA
Ngem insungbat ni Presidente Marcos nga agul-ulbod ni Duterte, ket kinunana a saan a maipaulog ti GAA no adda blangkona.
Idi napan a lawas, inyebkas ni Bersamin ti panagtalekna a saanto a waswasen ti SC ti PhP6.235-trilion a 2025 national budget, ta kasapulan nga agtrabaho ti gobierno. Innayonna nga imposible a mabalusingsing ti naipaulog a badiet. (Betheena Unite/Manila Bulletin//Lito Hilidon/Bannawag)
