Kinompirmar ti Netflix a marugian a maipabuya ti maikatlo a season ti nalatak a Korean a serye nga Squid Game inton Hunio 27, 2025.
Impaskilen ti Netflix iti social media, nangruna iti Facebook ti maysa a poster a nakapsionan iti "Nothing can prepare you for the final season. Squid Game Season 3 premieres June 27." ken addaan pakaammo a "PREPARE FOR THE FINAL GAME / ONLY ON NETFLIX | JUNE 27". Iti nasao a poster wenno imahe, makita ti maysa a guardia a mangiguyguyod iti bangkay ti player, nga addaan numero a 214, tapno ipanna iti addaan laso a lungon wenno kahon.
Nagipaskil pay ti Neflix, iti Facebook Page daytoy, kadagiti ladawan dagiti eksena ti sumaruno a season, a nakapsionan iti "Prepare for the final game. Here's your first look at Squid Game Season 3 photos, premiering June 27."
Malagip nga adu ti "nabitin" wenno saan a napnek iti nagnguduan ti Season 2 ta naputed lattan ti taray ti istoria iti paset a makapikapik ket nangibati daytoy iti adu a pagpampanunotan ken ispekulasion kadagiti minilion a mangbuybuya iti maysa kadagiti kalalatakan a pabuya iti Netflix.
Cabie-Quinto, pinadayawan ti COFACC
Kuna ti dadduma a ti sumaruno ken maudi a season (Season 3) ket Part 2 laeng ti Season 2 ta maituloy met laeng dagiti pasamak ken istoria a nawarwar iti Season 2. Saan ngamin a nalpas wenno nakompleto dagiti games a nasken nga ay-ayamen dagiti player. Saan a kas iti Season 1 ti serye a nakompleto amin nga ay-ayam ken adda maymaysa a nangabak a player, a nakaileppasan met ti istoria.
Adtoy dagiti ladawan dagiti eksena iti Season 3 nga impakita ti Netflix:
(RVA/Bannawag)
