Pinaayaban ti Tri-committee (tri-comm) ti Kamara dagiti nalatak a social media commentator ken personalidad kas resource person iti umuna a bista ti panagwaras ti fake news ken disinformation iti pagilian.
Buklen ti Tri-comm ti tallo a komite ti Kamara kas iti Committee on Public Order and Safety, Committee on Public Information, ken ti Committee on Information and Communications Technology.
Maangay ti umuna a bista ti Tri-comm inton Pebrero 4.
Impaganetget ni Diputado Dan Fernandez (Santa Rosa City), overall chairman ti Tri-comm, a sukimaten ti bista no kasano nga agwaras ti palso nga impormasion iti online, ti epekto daytoy iti panangmatmat ti publiko ken nailian a seguridad, ken dagiti pamuspusan tapno maparmek dagitoy.
Akem dagiti impraestruktura, para koma iti pannakapairut ti linnangen dagiti kameng ti pamilia, kuna ni Sen. Mark Villar
Naawis dagiti 40 a resource person a dakekl ti impluensiada iti social media, a mangdakdakamat iti politika, news analysis, ken online commentary.
Nairaman kadagiti naawis da Malou Tiquia, Jose Yumang Sonza, Krizette Lauretta Chu, Mark Anthony Lopez, Allan Troy “Sass” Rogando Sasot, MJ Quiambao Reyes, Vivian Zapata Rodriguez, Ethel Pineda, Lorraine Marie Tablang Badoy-Partosa, Jeffrey Almendras Celiz, Lord Byron Cristobal (Banat By), Alex Destor (Tio Moreno), Aaron Peña (Old School Pinoy), Glen Chong, Manuel Mata Jr. (Kokolokoy), Elizabeth Joie Cruz (Joie De Vivre), Claro Ganac, Claire Eden Contreras (Maharlika Boldyakera), Jonathan Morales, Cyrus Preglo (Optics Politics), Maricar Serrano, ken Ernesto S. Abines Jr. (Jun Abines).
Naawis met dagiti vlogger a da Atty. Trixie Cruz Angeles, Julius Melanosi Maui (Maui Spencer), Darwin Salceda (Boss Dada TV), Elmer Jugalbot (Eb Jugalbot), Cathy Binag, MJ Mondejar, Suzanne Batalla (IamShanwein), Joe Smith Medina (Political Witch Boy), Jeffrey G. Cruz (JCCO / JJ Cruz), Alven L. Montero, Kester Ramon John Balibalos Tan (Mr Realtalker), Edwin Jamora (Reyna Elena), Ma Florinda Espenilla-Duque (Pebbles Duque), Dr. Richard Tesoro Mata (Dr. Richard and Erika Mata), Ahmed Paglinawan (Luminous by Trixie & Ahmed), Ryan Lingo, Atty. Enzo Recto (Atty. Ricky Tomotorgo), ken Ross Flores Del Rosario (Wazzup Philippines).
Dumar-ay met dagiti pannakabagi ti Google, Meta (Facebook), ken ByteDance (TikTok), agraman dagiti opisial ti National Bureau of Investigation (NBI), Philippine National Police (PNP), ken ti Department of Justice (DoJ), a mangdakamat kadagiti parikut iti panangipatungpal iti linteg ken dagiti mekanismo kontra iti online disinformation.
Kinuna ni Fernandez a saan a kanunongan ti Kamara dagiti inggagara a kampania iti di umisu nga impormasion a manggundaway kadagiti digital platform para iti napolitikaan wenno pinansial a gunggona.
Innayon ni Fernandez masapul a salakniban ti Kamara dagiti Filipino iti palso nga impormasion a nairanta a mangalllilaw ken mamagsina kadagiti umili. (Ellson Quismorio/Manila Bulletin//Lito Hilidon/Bannawag)
