Impakaammo ni Presidente ti Estados Unidos (US) Donald Trump itay Peb. 4 ti panggep ti US nga agikkat iti United Nations Human Rights Council (UNHRC) ket saannan a ponduan ti ahensia ti UN a mangsarsaranay kadagiti Palestino a nagkamang iti sidong ti UN gapu iti pannakairaman dagitoy iti gubat.
Naipakaammo daytoy maysa nga aldaw kalpasan a nakapatangna ni simmarungkar a Prime Minister ti Israel Benjamin Netanyahu iti US, a nangakusar iti United Nations Relief and Works Agency (UNRWA) ken ti UNHRC a mangidumduma iti Israel.
Idi napan a tawen pimmanaw ti US iti Human Rights Council ket insardengna a pinonduan ti UNRWA a tumultulong kadagiti nagkamang a Palestino, kalpasan nga inakusaran ti Israel ti UNRWA a mangsalsalaknib iti militante a Hamas a nakipaset iti kellaat a panangrautda iti Israel idi Okt. 7, 2023, ngem kinuna ti UNRWA a saan a pudno daytoy.
Impasdek ti U.N. General Assembly ti UNRWA idi 1949 tapno mangipaay iti tulong kadagiti Palestinian a timmalaw wenno napapanaw kadagit pagtaenganda sakbay ken bayat ti panaggubat ti Arab ken Israel idi 1948.
Luka Doncic iti Lakers, Anthony Davis iti Mavericks
Nairaman iti executive order nga impaulog ni Trump ti pannakarepaso ti pannakairaman ti Amerika iti U.N. Educational, Scientific and Cultural Organization (UNESCO) a nakabase iti Paris, ken iti panangpondo ti US iti United Nations. (Associated Press/Manila Bulletin//Lito Hilidon/Bannawag)
