BANTAY, Ilocos Sur—Maysa nga aglaklako iti karne ti napaltogan iti diversion road sadiay Barangay Aggay itoy nga ili idi Biernes, Pebrero 7.

Binigbig ti polisia ti biktima a ni Zosimo Blanco, 60, dati a soldado ken agtaeng iti Barangay Vacunero, Santo Domingo, Ilocos Sur.

Segun iti imbestigasion, manmanehuen ti biktima ti traysikelna iti alas tres iti malem idi dimteng dagiti di nabigbig a lallaki a nakalugan iti motor ket pinaltoganda ti biktima. Adu a bala ti sinagrap ni Blanco ket dagus a natay.

Nakaala dagiti polis iti lima a kapsula ti caliber .45 iti nakapasamakan ti krimen. Madama ti follow-up investigation ken panangsapul dagiti polis kadagiti suspek.

Lokal

Maipadpadamag a 'kumaw' iti Nueva Vizcaya, 'fake news,' segun iti PNP

(Freddie Lazaro/Manila Bulletin)