Ti naidumduma a depensa da Cooper DeJean, Josh Sweat ken dagiti kakaduada iti Philadelphia Eagles ti nangtungday kada Patrick Mahomes, Travis Kelce ken dagiti kakaduada iti Kansas City Chiefs iti arapaapda a three-peat iti Super Bowl.
Ken adayo ti nangitarayanda iti iskor a 40-22 iti daytoy Lunes, Pebrero 10 (oras iti Filipinas) ket nagun-od ti prangkisa ti maikadua a kampeonato iti Super Bowl. Nabigbig ni Jalen Hurts kas Super Bowl MVP.
Pinanggep dagiti Chiefs ti agbalin a maikatlo a team iti pakasaritaan ti National Football League (NFL) a mangyalat iti tallo nga agsasaruno a kampeonato ken ti umuna a three-peat iti panawen ti Super Bowl.
Ngem saan nga impalubos ti Eagles.
Cabie-Quinto, pinadayawan ti COFACC
Ti pay latta ngarud Los Angeles Lakers iti NBA manipud iti 2000-02, nga indauluan da Kobe Bryant ken Shaquille O’Neill, ti kaudian a team kadagiti kangrunaan a propesional a liga iti Amerika ti nangyalat iti tallo nga agsasaruno a kampeonato. (Manipud iti AP/AST)
