Inyawat ni Camille Villar itay nabiit ti balay ken lote nga inabak ti 26 anios nga overseas Filipino worker a ni Angelica Abellano bayat ti simple a seremonia iti Camella Pili, Camarines Sur.
Dati a BPO call center agent sakbay a nagtrabaho a titser iti Taiwan, nalaus ti panagyaman ni Abellano bayat ti panangsirpatda iti baro a pagtaenganda iti umuna a gundaway.
“Nandito na po, nakita ko na po finally ‘yong bahay. Wala pong mapaglagyan yung kasiyahan ko kasi wala palang imposible. Dahil po kay Ma’am Camille, ginawa niyang posible yung isang pangarap na sa tingin ko po ay ilang taon ko pong pagsisikapan,” kinuna ni Abellano a maikapat iti walo nga agkakabsat.
“Ginawa pong magic ni Ma’am Camille,” innayonna, a ti kayatna a sawen, ti nagbalin nga akem ni Villar iti pannakatungpal ti arapaapna.
Panagangkat iti 25,000 a tonelada nga ikan, inaprobaran ti DA
Iti no mano a dekada, nagnaed da Abellano ken ti pamiliana iti nanumo a balay a kukua ti kabagianda iti ilida. Panaglupos iti biag ngarud ti kaipapan kadakuada ti panangabakna iti Camella house.
“'Ito na ‘yong bunga ng sacrifice mo sa family', sabi ng papa ko. Gusto ko po mag-thank you dahil ginawa siyang instrument ni Lord para maisakatuparan ang pangarap ko, kung bakit ako nasa ibang bansa. Sobrang thankful po ako,” kinunana a ni Villar ti kayatna a sawen nga intrumento ti Dios.
Maysa a mannalon ti ama ni Abellano idinto nga aglaklako iti bibingka ti inana tapno adda panangawidnda kadagiti kasapulanda iti panagbiag.
“Itong bahay po para sa family ko, hindi na po kami matutulog sa lapag. Hindi na po namin mararanasan na ‘pag umuulan, kailangan maglagay ng balde o tabo kung saan-saan. May concrete na pong bahay kung saan mag-create kami ng new memories," kinuna pay ni Abellano
Inakak ni Abellano ti balay ken lote manipud iti Camella bayat ti “Paskong Pinoy 2024: Piyesta, Musika at Kultura” a taripnong iti napalabas a Paskua nga inorganisar ti Manila Economic and Cultural Office (MECO) nga indauluan ti chairperson a ni Cheloy Velicaria-Garafil itay Disiembre. Nasurok a 3,000 nga OFW ti dimmar-ay iti pasken a naangay iti Fu Jen Catholic University iti New Taipei City.
Kinablaawan ni Villar ni Abellano kagiddan ti panangitedna iti tulbek ti arapaap daytoy a balay ken lote iti Camella Pili, iti Brgy. Cadlan iti Pili, Camarines Sur. Inyawat pay ni Villar ken ni Abellano ti maysa a move-in gift certificate nga agpateg iti P50,000 manipud iti AllHome tapno adda pangrugianda a mangpunno kadagiti masapsapul iti baro a balayda.
Kuna ni Villar nga agtultuloy ti pannakainspirarna kadagiti OFW a kas ken ni Angelica iti panangitultuloyna met iti adbokasiana a mangtulong kadagiti Filipino iti abroad. “Talagang gusto kong magpasalamat sa iyo dahil sa katunayan, ikaw ang nagsilbing inspirasyon sa amin. Sobrang saya ko na kahit papaano, maaalagaan mo ang pamilya mo.”
Impaganetget ni Villar a maseknan kadagiti OFW, a mangisaksakripisio iti bagida tapno makaipaayda iti kasapulan ti pamiliada.
“Lagi po akong narito, kasama ang aking pamilya, sa pagtataguyod ng maayos na kabuhayan para sa ating mga kababayan, lalong-lalo na ang ating mga bagong bayani. Kasama niyo po kami sa pagkamit ng inyong mga pangarap sa buhay,” kinuna ni ViIlar.
“Lahat ng pangangailangan n’yo ay lagi ko pong inaalala. Lapitan n’yo lamang po ako, at handa po akong tumulong sa inyo sa abot ng aking makakaya,” kuna ni Villar a nangikari pay nga ilungalongna dagiti linteg a mangitandudo ken mangsigurado iti pagimbagan dagiti OFW iti intero a lubong. (Impatarus ni AST)
