Inkari ni Camille Villar nga iturongna ti imatangna iti pannakasaranay dagiti Filipino a manggun-od iti arapaapda a maaddaan iti bukodda a balay, ken mapasayaat ti panagbiagda iti kanito a maipaay kenkuana ti gundaway nga agpaay a senador iti daytoy a tawen.
“Ano ba ang pangarap ng Pamilyang Pilipino? Iniisip ko, ano ba ang pangarap ko sa aking mga anak? Una, ay bahay at lupa kung saan mapapalaki natin na ligtas ang ating mga anak,” kinuna ni Villar, nga agtaray iti babaen ti Alyansa Para sa Bagong Pilipinas bayat ti proclamation rally ti partido ti administrasion nga Alyansa Para sa Bagong Pilipinas a naangay iti Siudad ti Laoag idi Pebrero 11, Martes.
“Sapat na hanapbuhay, trabaho o pangkabuhayan,” innayonna, a nangipaganetgetanna a yun-unananto dagiti gakat a mainaig iti panagpabalay ken entrepreneurship apaman a mabotosan a senador.
Maysa a napnuan padas nga entrepreneur ken lehislador, kuna ni Villar a nagpaay a kas tarabayna dagiti pannursuro kenkuana dagiti dadakkelna, da dati a Senate President Manny Villar ken Senador Cynthia Villar, maipanggep iti “sipag at tiyaga” (kinagaget ken kinaanus).
Panagangkat iti 25,000 a tonelada nga ikan, inaprobaran ti DA
Sakbay ti proclamation rally, inkari ni Villar nga agpandayto kadagiti gakat nga agpanggep nga agparnuay kadagiti trabaho para iti kaaduan a Filipino apaman a mabotosan a senador iti eleksion iti daytoy a Mayo.
“Ang gagawin ko pong priority ay yung pagsulong sa mga kampanyang nagbibigay ng maraming trabaho katulad ng construction at infrastructure, at pati na rin ang tourism industry,” kinuna ni Villar iti maysa a press conference iti Laoag a timmabunuan met dagiti padana a kandidato a senador. “Basta kung ano mang sector o ano mang industrya ang nagbibigay ng maraming trabaho, yan ang susuportahan natin,” innayonna.
Iti maysa a press conference iti Arabella Events Place, inlawlawag ni Villar ti rasonna a timmipon iti aliansa a mangsupsuportar iti sirmata ni Presidente Marcos a para kadagiti umili a Filipino. “Kaya po natin pinili na dito simulan ang kampanya ng alyansa, dahil dito po (sa Ilocos Norte) nagsimula ang ating mahal na Pangulong Ferdinand “Bongbong” Marcos po. We share his vision for the country, yung mga pangarap niya, hindi lamang sa mga Ilokano, kundi sa lahat ng mga Pilipino,” innayonna. “Yan din ang isusulong ng Alyansa at sinusuportahan namin siya.”
