Saan a pudno dagiti report ken paskil iti social media nga adda estudiante ti para iti publiko a pagadalan a kinidnap dagiti tao a nakalugan iti puraw a van, kas kinuna ti Department of Education Schools Division Office of Taguig and Pateros (DepEd TAPAT).
Iti deklarasion nga inruar ti DepEd TAPAT ita nga aldaw, Peb. 17, kinunada nga awan ti nakidnap nga estudiante, segun iti report manipud iti 62 a pagadalan a masakupanda.
Maibatay iti datos ti DepEd TAPAT manipud kadagiti 62 a pagadalan, awan ti kaso ti panagkidnap ken kompleto dagiti estudianteda.
Gapu iti daytoy, binallaagan ti DepEd TAPAT ti publiko nga agridamda ken dida koma agiwarwaras iti saan a napatalgedan a paskil iti Facebook, ket ipulongda a dagus ti ania man nga insidente iti maiparbeng nga autoridad.
Kas iti 'UniTeam,' ilunglungalong manen ni Marcos ti 'unity' dagiti lider tapno masolbar dagiti parikut ti Filipinas
Kinuna ti Pateros Municipal government a saan a pudno dagiti alegasion nga adda estudiante a nakidnap iti Pateros Elementary School. (Jonathan Hicap/Manila Bulletin//Lito Hilidon/Bannawag)
