Isagsaganan ti Philippine National Police (PNP) ti full honor ceremony a maipaay ken ni Police Col. Pergentino Malabed a nairaman kadagiti natay iti dinnungpar ti helikopter ti militar iti commercial plane iti Estados Unidos (US) idi napan a bulan.
Segun ken ni Col. Randulf Tuaño, chief information officer ti PNP, manamnama a sumangpet iti Filipinas ti bangkay ni Malabed iti agsapa ti Peb. 20, kas impakaammo ti kaingungot ti pimmusay nga opisial.
Napan iti US ti asawa ni Malabed ita a bulan tapno bigbigenna ti bangkay, kas paset ti pagannurotan iti panagimbestigar.
Kinuna ni Tuaño a maipan iti Camp Crame iti Quezon City ti bangkay ni Malabed para iti public viewing ken pannakaipaay ti seremonia a pammadayaw a mangrugi inton Peb. 27.
Kas iti 'UniTeam,' ilunglungalong manen ni Marcos ti 'unity' dagiti lider tapno masolbar dagiti parikut ti Filipinas
Kameng ni Malabed ti Philippine National Police Academy (PNPA) Class of 1998.
Opisial a biahe ti ranta ni Malabed iti US, kas daulo ti Supply Management Division ti PNP, nangruna iti pannakaamiris dagiti armored vest a para iti PNP. (Aaron Recuenco/Manila Bulletin//Lito Hilidon/Bannawag)
