Itantandudo ni kandidato a para senador Camille Villar dagiti polisia a mangpapigsa kadagiti gig economy platforms (plataporma ti ekonomia ti pangbiitan a pagtrabahuan) iti Filipinas, a mangipasigurado iti patas a sueldo, nasaysayaat a kasasaad ti panagtrabaho, ken pannakagun-od kadagiti benepisio para kadagiti freelancer ken independent workers. Impaganetgetna a ti gig economy ti mangsustiner iti minilion a Filipino, manipud kadagiti ride-hailing drivers ken delivery riders agingga kadagiti online freelancers. Tapno masuportaran dagitoy, igangganetget ni Villar dagiti pagalagadan a mangpasayaat kadagiti plataporma, mangpasayaat iti seguridad iti trabaho, ken mangipaay kadagiti kasapulan a proteksion.
Mairaman kadagiti kangrunaan a repormana ti panggepna a pannaestablisar dagiti nalawag a pagannurotan para kadagiti digital labor platforms tapno masigurado ti patas a kompensasion ken karbengan dagiti trabahador. Igangganetgetna met dagiti portable a benepisio a kas ti SSS, PhilHealth, ken Pag-IBIG, a mangipaay iti social protection kadagiti gig worker uray no ania ti plataporma a pagtrabahuanda. Planona a yam-ammo entero a pagilian dagiti programa ti upskilling iti IT, digital marketing, ken tech services tapno matulongan dagiti gig workers nga agtalinaedda a competitive iti agbaliwbaliw a job market. Tapno mataming dagiti pakaseknan iti panagbayad, suportaran met ni Camille Villar ti pannakapasayaat dagiti sistema ti e-payment para kadagiti naparpardas ken nababbaba a bayadna a transaksion. Kasta met nga igangganetgetna dagiti patas a mekanismo ti panangrisut kadagiti susik tapno masalakniban dagiti freelancer manipud iti di nainkalintegan a pannakatrato ken di panagbayad.
Ingganetget ni Villar ti potensial ti Filipinas nga agbalin a global hub para iti remote work ken digital freelancing, iti kaadda ti skilled workforce-na ken ti umad-adu ken ad-adda a pannakaaramat ti internet. Impaganetgetna ti panagkasapulan iti natibtibker a digital infrastructure ken nasaysayaat nga internet accessibility tapno mapataud ti ad-adu ng oportunidad para kadagiti gig workers. “Nagaget dagiti gig workers a kas kadagiti tradisional nga empleado. Maikarida iti natalged a kita, patas a sueldo, ken benepisio tapno masigurado ti masakbayanda," kinunana.
Dagiti insingasingna a reporma nga addaan panggep a mangbangon iti natalged ken inklusibo a gig economy a tunggal trabahador ket maipateg ken maprotektaran iti digital age. Babaen ti pro-business ken pro-worker a sirmatana, determinado ni Villar a mangisayangkat kadagiti polisia a mangpamoderno kadagiti digital platforms, mangipalawa kadagiti oportunidad ti panggedan, ken mangitandudo kadagiti gig workers iti baro nga ekonomia.--O
