TAYUG, Pangasinan – Tallo a menor de edad ti pimmusay iti uram a nanglamut iti balayda iti Barangay Magallanes itoy nga ili idi agsapa ti Martes, Peb. 25.

Binigbig dagiti polis dagiti biktima a da Jeniel, 6; James, 4, ken Jennila, 3.

Naammuan iti panagimbestigar ti polis a pinanawan ida ti amada a ni Raymart ket inkandadona ti balayda tapno mapan ag-charge iti selponna iti balay ti kaarrubada.

Idi nagawid ni Raymart, nakitana a maur-uram ti balayda idi agarup 9:45 A.M.

Lokal

Nangabak iti Panagbenga flower float parade, naammuan

Napupok dagiti biktima ket inruar ida dagiti immarayat a bombero.

Naitaray dagiti ubbing iti Municipal Health Unit a nakaideklararan dagitoy a nataydan gapu iti suffocation. (Liezle Basa Iñigo/MANILA BULLETIN)