Patien ni Diputado Ysabel Maria Zamora (San Juan lone district), maysa nga abogado, a babaen ti mandato ti Konstitusion, maibilangen ti Senado a maysa nga impeachment court uray naka-recess daytoy ken saanen a kasapulan nga agpaayab iti special session ti Presidente kas iti ibagbaga ni Senate President Francis "Chiz" Escudero.
Maysa ni Zamora kadagiti 11 a diputado nga agpaay a kas prosecutor ti Kamara.
Inkalintegan ni Zamora ti desision ni Presidente Ferdinand Marcos Jr. a saan a bumallaet iti impeachment, ta adda panagdadasig ti turay iti nagbaetan dagiti sanga ti gobierno.
Kinuna met ni Diputado Rodge Gutierrez (1-Rider Party-list), maysa met nga abogado, a maitutop ti tignay ti Malakanyang mainaig iti special session ken maitunos iti imbaga ti Presidente maipanggep iti proseso ti impeachment.
Makabayan bloc, mangipila iti baro nga impeachment complaint kontra ken ni VP Duterte kalpasan ti one-year ban
Impaganetget ni Gutierrez a ti laeng Senado ti addaan karbengan a mamagbalin iti bagina a kas impeachment court, segun iti 1987 Constitution. (Ellson Quismorio/Manila Bulletin//Lito Hilidon/Bannawag)
