Binukel ti Kamara ti maysa nga impeachment secretariat a mangipaay iti teknikal ken administratibo a suporta kadagiti agpaay a public prosecutor iti impeachment trial ni Bise Presidente Sara Duterte.
Impaulog ni secretary general ti Kamara Reginald Velasco ti Memorandum Order 19-1006 a mangbukel iti nasao a secretariat, tapno naannayas ti panagtrabahoda.
Mairaman iti impeachment secretariat dagiti kameng ti nadumaduma a departamento ti Kamara kas iti Office of the Secretary General, Office of the Sergeant-at-Arms, Legislative Operations Department, ken Legal Affairs Department.
Mangipaay iti suporta iti plenario, legal research, records management, stenographic transcription, information technology, security, ken administrative coordination.
Nora Aunor, 71, pimmusay
Segun ken ni Velasco, agtultuloy a mangipaay ti impeachment secretariat iti kasapulan a tulong kabayatan ti impeachment. (Filane Mikee Cervantes/PNA//Lito Hilidon/Bannawag)
