Agpakanawan, da Adrien Brody, Mikey Madison, Zoe Saldaña, ken Kieran Culkin.

Inyalat ni Adrien Brody ti maikadua nga Oscar-na iti kina-best actor para iti pelikula a “The Brutalist,” (immuna a nangabak ni Brody a best actor idi 2002 para iti "The Pianist"), idinto a ni met Mikey Madison ti nangatiw a best actress para iti pelikula nga "Anora," ken nagun-od ti pelikula nga “Anora” ti best picture ken uppat pay nga award, iti kalkalpas (Marso 3, oras iti Filipinas) a seremonia ti pannakapadayaw ti maika-97 nga Academy Awards nga ad-adda nga am-ammo kas Oscars, a naangay iti Dolby Theatre iti Hollywood, Los Angeles, U.S.A.

Ni met Kieran Culkin ti napili a best supporting actor para iti “A Real Pain” idinto a best supporting actress ni Zoe Saldaña para iti “Emilia Pérez.” Naisangsangayan met a rabii ti pammadayaw para ken ni Sean Baker, a nangabak iti screenplay, director, ken editing awards para iti “Anora.”

Dagiti bida iti "Flow".

Inatiw ti “Flow,” pelikula a manipud iti Latvia a pakasaritaan ti maysa nga agtawtawataw a nangisit a pusa a nakasarak iti pudno a gagayyem iti maysa a puturistiko a lubong, ti “The Wild Robot,” pakasaritaan ti maysa a katulongan a robot a naiwawa ken nangsalbar iti kabakiran a nakasakanna met laeng kadagiti pudpudno a gagayyem ken pamiliana, para iti best animated feature film. Ni met ni Paul Tazewell ti nagbalin a kaunaan a Black a nangabak iti Oscar para iti costume design para iti “Wicked.”

Adtoy ti kompleto a listaan ​​dagiti nangabak:

Internasional

Pannakaiserra ti Departamento ti Edukasion ti U.S., imbilin ni Trump

Best picture: “Anora”

Best Actor:  Adrien Brody, “The Brutalist”

Best Actress: Mikey Madison, “Anora”

Best Director: Sean Baker, “Anora”

Best Supporting Actress: Zoe Saldaña, “Emilia Pérez”

Best Supporting Actor: Kieran Culkin, “A Real Pain”

Best International Film: “I’m Still Here”

Best Documentary Feature: “No Other Land”

Best Original Screenplay: “Anora,” Sean Baker

Best Adapted Screenplay: “Conclave,” Peter Straughan

Best Original Score: “The Brutalist,” Daniel Blumberg

Best Original Song: “El Mal” from “Emilia Pérez”

Best Animated Film: “Flow”

Best Visual Effects: “Dune: Part Two”

Best Costume Design: “Wicked,” Paul Tazewell

Best Cinematography: “The Brutalist,” Lol Crawley

Best Documentary Short Film: “The Only Girl in the Orchestra”

Best Sound: “Dune: Part Two”

Best Production Design: “Wicked”

Best Makeup and Hairstyling: “The Substance”

Best Film Editing: “Anora,” Sean Baker (AP/RVA)