Kinompiskar dagiti polis ti shabu ken marihuana nga aggatad iti ₱20 million iti Cordillera Administrative Region manipud Pebrero 24 agingga iti Marso 2.
Kinuna ti Police Regional Office-Cordillera nga inwayatda ti 17 nga anti-illegal drug operations a nakakompiskaran ti 92,950 a mabalinen nga apiten a marihuana, 1,700 a patubo ti marihuana, 12.27 a gramo ti naipamaga a bulong ken bunga ti marihuana, 10,000 a a pedaso ti bulong ti marihuana, ken 160.99 a gramo ti mapapati a shabu, nga aggatad iti aganay a ₱20,954,204.40.
Walo a maatap a drug pusher ti naarestar--dua a high-value individuals ken innem a street-level individuals.
Nakompiskar ti Kalinga Police Provincial Office ti aggatad iti ₱14,519,940 nga illegal a droga ken inarestarda ti uppat a drug pusher; Benguet PPO, illegal a droga nga aggatad iti ₱5,501 ken maysa a drug pusher; Baguio City Police Office, shabu nga aggatad iti ₱850,000 ken maysa a drug pusher; Abra PPO, shabu nga aggatad iti ₱81,940 ken maysa a drug pusher; ken Mountain Province PPO, naipamaga a bulong ken bunga ti marihuana nga aggatad iti ₱872.40 ken maysa a drug pusher. (Zaldy Comanda/MB)
