Ti pannaka-retrofit wenno pannakapalagda ti Cabagan-Santa Maria Bridge tapno mataming dagiti pakaseknan ti istruktura daytoy ket naisayangkat iti babaen ti administrasion ni Marcos, kinuna ti Department of Public Works and Highways (DPWH) idi Martes, Mar. 4.
Inlawlawag ni DPWH Secretary Manuel M. Bonoan a nalpasen ti disenio ken konstruksion ti nasao a rangtay sakbay a nagtugaw ti agdama nga administrasion.
Naipatungpal idi agangay ti retrofitting tapno mataming dagiti structural issue a naduktalan iti orihinal a disenio ti rangtay.
“Naisayangkat ti retrofitting iti babaen daytoy nga administrasion tapno maatur dagiti naduktalan a nagkurangan iti napalabas, tapno masigurado a makatungpal ti rangtay kadagiti safety standard ken agtalinaed a nalagda para iti napaut a pannakausarna,” kinuna ni Bonoan.
Pannakaimbestigar kadagiti narsuod a rangtay, kiniddaw ni Sen. Pimentel
Inruar ni Bonoan daytoy nga statement-na kalpasan ti pannakarsuod ti maikatlo a paset ti rangtay idi rabii ti Pebrero 27, a nangtignay iti DPWH a mangi-deploy kadagiti inheniero ken third-party consultants tapno matingiting ti kasaknap ti pannakadadael.
Panggep ti agtultuloy nga imbestigasion nga ammuen dagiti kasapulan a a maisayangkat a panangtarimaan, dagiti mainaig a gastos, ken ania man a sungsungbatan iti insidente.
Impanamnama ti Malacañang iti publiko a maaramid dagiti maitutop nga aksion maibasar kadagiti maduktalan ti imbestigasion. (Trixee Rosel/MB)
