Manamnama a maisublin ti biahe ti eroplano a mapan iti China, Hong Kong, ken Taiwan manipud iti Laoag International Airport ti Ilocos Norte gapu ta panggep ti probinsia ti agbalin a sentro ti ekonomia iti Southeast Asia babaen ti Public-Private Partnership (PPP).
Nairaman daytoy a panggep iti memorandum of agreement (MOA) a pinirmaan ti PPP Center of the Philippines ken ti gobierno probinsial ti Ilocos Norte idi Pebrero 28.
Kinuna ti National Economic and Development Authority (NEDA) ita nga aldaw, Marso 4, a panggep ti MOA a pasayaaten ti impraestruktura ken mangpaganaygay iti ekonomia ti Ilocos Norte. Paset ti NEDA ti PPP Center.
Iti agdama, lokal a biahe laeng ti pagpapaayan ti eropuerto.
Pannakaimbestigar kadagiti narsuod a rangtay, kiniddaw ni Sen. Pimentel
Nairaman iti tulag iti PPP dagiti pagalagadan a mangpapigsa iti lokal nga agrikultura babaen ti panangbuangayda iti kooperatiba dagiti annalon ken pannakaitandudo ti natalged a panagtalon. (Derco Rosal/Manila Bulletin//Lito Hilidon/Bannawag)
