Palutpoten ti gobierno ti panangipaay dagiti maatap nga espia nga Intsik iti donasion iti Philippine National Police (PNP), segun ken ni Undersecretary ti Presidential Communications Office (PCO) Claire Castro.
Daytoy ti impakaammo ni Castro kalpasan nga impalgak ti gobierno lokal ti Siudad ti Manila nga adda naawatda a 10 a motorsiklo manipud iti maysa a tao nga agnagan iti Wang Yongyi, kameng ti Qiaoxing Volunteer Group, a maysa kadagiti naarestar gapu iti maipagarup a panagespiada iti Malakanyang ken dadduma pay a pasdek ti gobierno idi napan a bulan.
Kinuna ni Castro itay Marso 3, imbestigaren ti gobierno dagitoy nga aramid, agraman ti report nga adda Intsik a nairaman iti illegal nga aramid, nga adda mapapati a kasingedna a nangato nga opisial ti PNP.
Innayon ni Castro nga imbestigaren met ti gobierno ti LGU nga immawat iti donasion.
Pannakaimbestigar kadagiti narsuod a rangtay, kiniddaw ni Sen. Pimentel
Idi napan a lawas, kinuna ti Malakanyang nga ingetanna ti seguridadda kalpasan ti pannakatiliw ti tallo a Filipino ken dua nga Intsik nga agsisiim iti Palasio, Camp Aguinaldo, Camp Crame, Villamor Airbase, ken iti embahada ti Estados Unidos. (Argyll Cyrus Geducos/Manila Bulletin//Lito Hilidon/Bannawag)
