Dakkel ti ngimmatuan ti ranggo ni Camille Villar iti kaudian a Social Pulse Philippines Survey no asino dagiti preperensia dagiti botante nga ibotos a senador iti umay nga eleksion.
Iti surbey a naiwayat manipud idi Enero 26 agingga iti Pebrero 8, 2025, addan iti maika-9 a ranggo ni Camille Villar.
Iti 1,000 a respondent manipud iti nadumaduma a paset ti pagilian ken addaan iti ±3% margin of error, naipakita iti surbey ti dumakdakkel a suporta para ken ni Villar, a kayatna met a sawen a mamatida kadagiti adbokasia daytoy para iti affordable housing, pannakapapigsa dagiti babassit a negosio, ken pannakaidanon dagiti serbisio kadagiti umili.
Adtoy dagiti kandidato a senador a nakadanon iti ‘Magic 12,’ kas maibatay iti surbey a naiwayat idi Pebrero.
Napudot a panawen, agtalinaed gapu iti nabara nga angin nga aggapu iti Taaw Pasipiko
1. Erwin Tulfo
2. Ben Tulfo
3. Bong Go
4. Tito Sotto
5. Francis Tolentino
6. Bong Revilla
7. Pia Cayetano
8. Manny Pacquiao
9. Camille Villar
10. Lito Lapid
11. Kiko Pangilinan
12. Bam Aquino
Ti pannakairaman ni Villar iti Top 12 ti mangipakita iti panamati kenkuana dagiti botante nangruna dagiti naubbing pay a propesional, babbai, ken dagiti entrepreneur.
Ti imetna a padas ken sirib iti man politika ken negosio ti namagbalin kenkuana a napigsa a kandidato, ket dagiti inisitiabona iti pannakaparang-ay ti ekonomia ken pannakapataud dagiti baro a pagtrabahuan ti maibilang a kangrunaan a pagsamsammakedan dagiti botante a mangibotos kenkuana.
Ti kaaddan ni Villar iti ‘Magic 12’ ken ti manamnama nga ingangato pay ti ranggona ti mangpatalged iti kandidaturana para iti Senado.
