SIUDAD TI ILAGAN, Isabela - Napaltogan ti kapitan ti Barangay Cabisera 27 itoy a siudad idi rabii ti Martes, Marso 4.
Binigbig ti Philippine National Police (PNP) ti biktima a ni Avelino Quitola, 62. Segun iti panagimbestigar dagiti polis, naammuan nga agmanmaneho iti motorsiklo ti kapitan a kaduana ti asawana ket adda sarsarunuenda nga e-bike iti Purok 7, Barangay Cabisera 27, ket idi lumabasda iti maysa a minaisan, iti 7:55 ti rabii, pinaltogan ti maysa a tao ti kapitan.
Naglibas ti nagpaltog ket naitaray ti biktima iti ospital a nakaideklararan a natayen daytoy.
Nadanon dagiti nagresponde a polis ti lugar 30 a minutos kalpasan ti pammaltog, ta nasulinek a paset ti barangay ti Purok 7.
'GUMIL Dan-ay 2: Aldaw ti Daniw Kailokuan,' angayen ti GUMIL Filipinas
Agawiden dagiti agassawa idi napasamak ti insidente.
Madaman ti follow-up investigation ken pursuit operation ti PNP kontra iti suspek. (Liezle Basa Iñigo/MB)
