Tapno natatalged ti lugar a pagadalan dagiti estudiante iti pagilian, impakaammo ti Department of Education (DepEd) itay Marso 4 a pabilgenda ti annurotenda iti anti-bullying.
Segun iti Learner Rights and Protection Division (LRPD) ti DepEd, adda 522 a kaso ti bullying ti nailanad iti TeleSafe Contact Center Helpline (TCCH) manipud idi Nobiembre 2022 aginga iti Pebrero 2025.
Segun iti datos ti LRPD, pisikal a panagririri ti kaaduan a gagangay a kita ti panagsusupiat dagiti estudiante.
Aklonen ni Sekretario ti DepEd Sonny Angara a masapul a mataming a dagus ti bullying kadagiti pagadalan, ket pinirmaanna ti Implementing Rules and Regulations (IRR) ti Basic Education Mental Health and Well-Being Promotion Act itay Marso 4.
Napudot a panawen, agtalinaed gapu iti nabara nga angin nga aggapu iti Taaw Pasipiko
Kinuna ti DepEd a makitintinnulongda iti EDCOM 2 a mangrepaso ken mangpabaro iti Anti-Bullying Act of 2013 tapno maitutop ti linteg kadagiti agdama a kasasaad ti pagadalan ken naan-anay a pannakaipatungpal daytoy. (Merlina Hernando-Malipot/Manila Bulletin//Lito Hilidon/Bannawag)
