Pinirmaanen ni Presidente Ferdinand Marcos Jr. ti Republic Act (RA) No. 12124, wenno ti Expanded Tertiary Education Equivalency and Accreditation Program (ETEEAP) Act, itay Marso 4.
Babaen daytoy a linteg, mabalinen a makagun-od dagiti Filipino, nangruna dagiti propesional nga agtrabtrabaho, iti college degree a di kasapulan ti pormal a panagadal para iti panagdur-as ti karera.
Iti baro a linteg, mapalubosan dagiti Filipino a di nababbaba ngem 23 ti tawenda, nga agnanaed iti Filipinas wenno iti ballasiw-taaw, nga agaplay para iti ETEEAP.
Masapul met a nakalpas iti high school ti aplikante.
Napudot a panawen, agtalinaed gapu iti nabara nga angin nga aggapu iti Taaw Pasipiko
Masapul pay nga agdagup iti lima a tawenen nga agtrabtrabaho iti industria nga adda pakainaiganna iti kurso wenno tay-ak a kayat a gun-oden.
Ti Commission on Higher Education (CHED) ti ahensia a kangrunaan a mangipatungpal iti ETEEAP. (Argyll Cyrus Geducos/Manila Bulletin//Lito Hilidon/Bannawag)
