Biddut ti disenio ti makaigapu iti pannakarsuod ti Cabagan-Santa Maria Bridge iti Isabela, kas impaganetget ni Presidente Ferdinand Marcos Jr.
Kalpasan ti papan panangsukimat a mismo ni Marcos iti narsuod a rangtay iti Isabela ita nga aldaw, Marso 6, kinunana a malaksid iti depektibo a disenio, naksayan pay ti pondo daytoy a nangpataud iti ad-adu a parikut.
Segun ken ni Marcos, ₱1.8 a bilion ti project cost ti Cabagan-Santa Maria Bridge, ngem nagbalin laengen a ₱1 a bilion tapno makainut.
Inlawlawag ni Marcos a bayat ti pannakaaramid ti proyekto, adda dagiti "aggargaraw ken nakapuy" a paset ti rangtay isu a naisayangkat ti retrofitting a nakagastosan ti gobierno iti ₱1.2 a bilion.
Napudot a panawen, agtalinaed gapu iti nabara nga angin nga aggapu iti Taaw Pasipiko
Innayon ni Marcos a di rumbeng a limmabas dagiti nadagsen a trak iti rangtay.
Impaganetget ni Marcos a saan pay a panawen a dakamaten no asino ti mapabasol, ta masapul a marisut pay nga umuna ti parikut. (Betheena Unite/Manila Bulletin//Lito Hilidon/Bannawag)
